Մեր մասին
Հիստոջեն պաթոլոգիայի հայ–գերմանական գիտագործնական կենտրոնը հիմնադրվել է 2017թ–ին։ Կենտրոնը հիմնադրել են նեղ մասնագետներ՝ բ.գ.թ. Արմեն Մխիթարյանը, բ.գ.թ. Փառանձեմ Խաչատրյանը և կ․գ․թ․ Վիկտորյա Սահակյանը, ովքեր տիրապետում են ոլորտի գործունեության բոլոր նրբություններին։
Լավագույն ախտորոշիչ որակ ապահովելու նպատակով Հիստոջենը օգտագործում է միայն ստանդարտիզացված ժամանակակից սարքավորումներ, ռեագենտներ, խստորեն հետևում միջազգային չափորոշիչներին համապատասխանությանը ըստ որակի կառավարման ISO 9001 պահանջների։
ՄԵՐ ԾԱՌԱՅՈՒԹՅՈՒՆՆԵՐԸ
Հիստոջենում իրակացվում են ձևաբանական հետազոտությունների բոլոր տեսակները՝ բջջաբանական, հյուսվածաբանական, հիստոքիմիական, իմունահիստոքիմիական, մոլեկուլային։
Մենք ախտորոշում ենք մարդու և կենդանիների մոտ առկա գրեթե բոլոր հիվանդությունները։ 2020 թվականից Հիստոջենը հանդիսանում է Երևանի Մխ․ Հերացու անվան Պետական Բժշկական Համալսարանի «Պաթոլոգիայի» ամբիոնի բազա։
Հիստոջենում գիտելիք և մասնագիտական փորձառություն են ստանում երիտասարդ պաթոլոգները, շարունակական կրթություն և մասնագիտացում՝ գործող բջջաբանները և պաթոլոգները, լաբորանտները։
Ամենօրյա ճիշտ կազմակերպված գործունեությամբ, անընդհատ կրթվելու, կատարելագործվելու, ինչպես նաև սեփական գիտելիքները երիտասարդ սերնդին փոխանցելու միտումներով, Հիստոջենը եղել և մնում է առաջատարը պաթոլոգիայի ոլորտում։
ՊԱԹՈԼՈԳԻԱՅԻ ԱՄԲԻՈՆ
Հիստոջեն պաթոլոգիայի հայ-գերմանական գիտագործնական կենտրոնը հանդիսանում է Երևանի Մխիթար Հերացու անվան Պետական Բժշկական Համալսարանի «Մասնագիտական և շարունակական կրթության» կենտրոնի Պաթոլոգիայի ամբիոնի բազա։ Ամբիոնի դասախոսական կազմում ներառված են բժշկական և կենսաբանական գիտությունների թեկնածուներ և անվանի բժիշկներ:
Այստեղ, որպես ապագա ախտաբան, նեղ մասնագիտական կրթություն են ստանում ինչպես հայ, այնպես էլ արտերկրից ժամանած կլինիկական օրդինատորներ: Որակավորված ախտաբանների և բջջաբանների շարունակական մասնագիտական կրթությունը և վերապատրաստումները ևս իրականացվում են կենտրոնում:
Բացի ախտաբանությանն առնչվող գիտապրակտիկ դասընթացներից, Հիստոջեն գիտագործական կենտրոնը կազմակերպում է դասընթացներ նաև այլ՝ հարակից մասնագիտություններով, նախատեսված վիրաբուժական և թերապևտիկ պրոֆիլի բժիշկների համար:
